logo
會員電郵 :  密碼 :    會員登記 忘記密碼
主頁  |  每日熱話  |  MB Store  |  家Fun號外  |  專家信箱  |  會員日誌  |  最新活動  |  課程及講座  | 
搜索

2020媽媽們 辛苦你了! 請記著妳本來嘅名字與模樣

已有 32 次閱讀 2020-12-27 13:00 |個人分類:生活點滴

或許我差不多每一次的產檢都是帶點動魄驚心,但我仍記得躺在床上屏息靜氣看著超聲波晝面時的那一個瞬間,聽見孩子s心跳聲的時候,就在那個當下我突然意識到,從此以後我不會再是自己一個人了。

後來.....的確每個媽媽都真的不會再是一個人了!

無論你行到去邊,訓覺定係大便;背後、門外都有總會有人跟著你。

妳經過餐廳,總係忍唔住只係睇到底有咩岩小朋友食嘅菜單;但你好似完完全全忘記咗自己係可以飲咖啡嘅人 ;

妳拎起手機,總係發現成個電話都只有滿滿孩子嘅照片


妳有機會自己去百貨公司行街,結果都只係去咗婦嬰樓層,放風時光亦都只會莫名去看孩子嘅野。

妳想打個電話,比那位好耐無見嘅好朋友,卻發現妳早已習慣咗孩子s嘅牙牙學語,而疏於經營社交關係。


無論咩情況,就算病咗你都仲係為孩子擔心緊、設想緊。

或許妳曾經拼命地想掙脫咁樣嘅生活,但係掙扎過後你會發現,時光真的走得很快,孩子成長速度真的很快、太快….

孩子長大後,媽媽終究還是回到一個人的原點上。


沒有孩子s在旁吵吵鬧鬧,空氣都變成了自由嘅味道,但總會有種悵然若失嘅感覺。


孩子s進入了我們的生活,以翻天地覆嘅姿態去改變了我們嘅人生。

令到女性嘅職業、家庭完全重整。

無形中令好多家庭主婦係孩子長大之後,頓時失去生活意義與重心。

所以我還是想多鼓勵大家找回過去的自己。緊緊盯著孩子的同時,都唔好忘記咗自己嘅興趣,同盼望。

畢竟每個人都應該有自己獨立的人生,一味過度犧牲、奉獻往往會造成壓力 (戴返個頭盔先: 努力修行中)

但我深信媽媽唔快樂,家庭那來快樂呢?

Happy Mom,Happy Family!

過度負載嘅能量,總會有斷電嘅一天,親愛嘅媽媽們別忘了照顧好自己嘅情緒,路先會走得更遠呀。


還有就是......結婚之後;大家都總是說,你係某某嘅老婆,某某嘅媽咪;沒有了自己。女人在這一切嘅頭銜、與責任之下,每時每刻都在盡心盡力。


但女人啊……

請別忘了妳本來嘅名字與模樣。

特別今年,大部份時間都是家長跟孩子s困獸鬥在家。

2020,媽媽們,辛苦你了!

請記著妳本來嘅名字與模樣。



路過

雞蛋

鮮花

握手

雷人

評論 (0 個評論)

facelist

你需要登錄後才可以評論 登錄 | 會員登記

廣告服務|MyBB.com.hk

GMT+8, 2021-3-1 03:54 , Processed in 0.010992 second(s), 12 queries .

Powered by Discuz! X1.5

© 2001-2010 Comsenz Inc.

x