logo
會員電郵 :  密碼 :    會員登記 忘記密碼
主頁  |  每日熱話  |  MB Store  |  家Fun號外  |  專家信箱  |  會員日誌  |  最新活動  |  課程及講座  | 
搜索

【New Beauty去斑神器】PicoWay第2代皮秒激光去斑療程

已有 3942 次閱讀 2017-11-1 15:21 |個人分類:美麗

面上啲斑斑真係可惡呀!唔理佢一排又浮現番出嚟!雀斑同荷爾蒙斑到底幾時先可以離我而去,一去不復返?努力搵方法擊退佢哋係我嘅終生使命!唔知大家有冇留意最近有間美容中心嘅facebook廣告,竟然用打斑方法對付一個小狗氣球。好搞笑!就係咁被佢吸引咗去試試New Beauty去斑療程喇!
今日就到咗位於旺角朗豪坊嘅New Beauty去斑,交通方便!到達後第一感覺係「好大間呀!」~ @.@


去完reception報到,回望一下門口,地方實在係相當之大,而且左右兩旁都有梳化椅,距離亦相隔好遠,空間感充足,感覺舒適,第一印象唔錯!


坐低填資料嘅時候,有職員為我遞上一杯水。啱晒!趕住嚟都有啲口渴喇!XD


張form唔會太多資料要填,好快搞掂!對面同樣係兩張長梳化,相信佢哋繁忙時間都可以應付好多客人呀!


PicaWay皮秒激光,我就係將會做呢部機喇!心情有啲緊張,唔知效果如何呢?


通過長長嘅走廊就到達做treatment嘅房間,但我習慣做之前會入洗手間影番張「before」相,借洗手間一用先~


原來呢度嘅洗手間都咁大,十足十商場啲洗手間咁呀!乾淨衞生,又加分喇!


遠睇其實皮膚都唔覺太大問題,但近睇就好明顯見到好多斑斑,最大果粒咪荷爾蒙斑囉!而且皮膚較乾,又多粒粒,希望做完New Beauty去斑treatment後可以大大改善皮膚質素啦!


職員帶我去到做treatment間房,心裡又「嘩!」咗一聲,好大間!去過咁多美容中心,呢間房都算係最大喇!梳化、化妝枱、洗手盤一應俱全。到New Beauty做去斑treatment,唔講仲以為去咗酒店添呀!XD


再來多張「before」相啦!白色燈光之下,膚色顯得冇咁黃,好過響洗手間影果張喎!(自我感覺良好中...) XD

New Beauty PicoWay第2代皮秒激光去斑療程開始喇!


首先洗洗面,呢個係例牌菜嚟啦!


然後就戴上眼罩保護眼睛,我明白安全措施好重要,但呢個樣真係見一次笑一次囉!XD


New Beauty去斑療程第一round會先用機全面打一次,感覺唔大,但會聞到一啲類似燒豬毛嘅味道,係正常㗎!XD

而第二round會打膠原同收毛孔,激光每打一下都有100點嘅光速去到皮膚度,幫助肌膚增生骨膠原,呢個感覺會大啲,但未去到痛,感覺似係吉吉下咁,有啲嘢深入咗皮膚度做梗嘢~

第三round就重點打較深色果啲斑,感覺仲會大啲,但未至於痛,都OK呀!


呢粒荷爾蒙斑要重手啲呀!盡情打啦!都忍得佢耐喇!XD

大家會見到我面上某啲位置紅咗,係打碎咗啲斑所致,一陣敷番個靚mask就冇事㗎喇!


打完斑之後因為皮膚吸咗啲熱力,某啲斑有可能會反而深色咗㗎!正常,只係一個過程,唔駛驚!


做完treatment唔會立即見到斑淡,過幾日等皮膚吸收咗啲黑色素就會逐漸見效果㗎喇!


用機打斑嘅部份30分鐘,完成!接住落嚟就到敷mask喇!


需時15分鐘,個mask有助消紅,亦都可以幫肌膚補濕,因為打完斑啲皮膚會特別乾㗎!敷mask涼浸浸,好舒服,可以畀我小睡片刻喇!hohoo~

平日湊小朋友實在太繁忙,所以每次做facial就係我盡情放鬆嘅時候~

夠鐘就起番個mask,之後清潔面部同搽番啲cream,整個treatment就完成!

以我呢個八八卦卦嘅性格,做完facial當然唔會即刻走啦!周圍參觀一下先!^^


呢度有埋化妝間,而且好大,設備又齊全,仲有電視睇添呀!XD


Locker就響浴室對面,亦有毛巾供應~


浴室有3格,全部都乾淨企理~


裡面有齊沖涼液、洗頭水同護髮素,十足十gym house嘅設施咁呀!好正!


有水機又有磅,水機可以幫襯下嘅!但磅就唔好喇!中秋過後肯定重咗,有啲嘢唔知好過知啦!XD


嚟番張前後對照先!做完New Beauty去斑treatment 7日後,部份斑斑係明顯淡化咗,但最頑固嘅荷爾蒙斑仍然依舊響度,可惡呀!不過我都知雀斑易搞過荷爾蒙斑好多,所以呢一粒打一次應該難見效啲,起碼都要打多6-8次啦!而皮膚就感覺冇咁乾,滋潤咗,粒粒同細紋都少咗呀!

New Beauty PicoWay第2代皮秒激光去斑比起一般嘅laser唔同,普通1064果啲只用光熱,光熱能量大可能會灼傷皮膚或者反黑。而PicoWay呢隻除咗光熱仲會用埋光聲,光聲可以震碎啲斑,碎過普通果啲laser。打斑強得嚟又只係留響皮膚度好短暫,主要針對色素,對皮膚冇咁傷。一個月做一次,6-8次為一個療程,療程後覺得冇乜斑就可以唔駛再做㗎喇!如果想keep住做都得,部機有效令肌膚白淨啲,亦可對付凹凸洞、減淡皺紋、黑眼圈、洗眉、胎記以至紋身,仲可以收細毛孔。不過打完後盡量唔好做射頻、hifu、激光、果酸、美白類嘅treatment,如果真係要做都要隔一個月呀!補濕就可以做多啲都唔怕,打完斑肌膚特別乾,建議連敷3日mask,補番啲水份。

今次到New Beauty做去斑療程比想像中舒服,而且功效都唔錯,重點係New Beauty去斑簡直就係酒店級享受。如果皮膚白啲嘅客人,佢哋一般可以調較部機高啲度數。而皮膚黑啲好似我咁嘅話,就較番低少少,等感覺唔會咁大丫嘛!最鍾意嘅係做完唔會紅又冇結焦,即刻可以化妝見人喇!奉勸各位平時一定要搽防曬,女人真係唔懶得㗎!希望大家都能夠keep住靚靚肌膚,時刻保持自信,咁就去到邊都係咁明艷照人啦!


New Beauty
地址:旺角朗豪坊辦公大樓18樓1808室
其他分店:
觀塘創紀之城5期 15樓1509室
銅鑼灣金朝陽中心3樓
沙田新城市商業大廈9樓910室
尖沙咀廣東道新港中心10樓1011室
屯門柏麗廣場20樓2001室
荃灣南豐中心6樓608室
元朗光華廣場10樓 1008室
電話:2385 1888
網址:http://new-beauty.hk
facebook: https://www.facebook.com/newbeautygroup


FIND US on:
  "  "   

BLOGs:

 

CONTACT US:


路過

雞蛋

鮮花

握手

雷人

評論 (0 個評論)

facelist

你需要登錄後才可以評論 登錄 | 會員登記

廣告服務|MyBB.com.hk

GMT+8, 2018-12-12 11:20 , Processed in 0.032114 second(s), 12 queries .

Powered by Discuz! X1.5

© 2001-2010 Comsenz Inc.

x