logo
會員電郵 :  密碼 :    會員登記 忘記密碼
主頁  |  每日熱話  |  MB Store  |  家Fun號外  |  專家信箱  |  會員日誌  |  最新活動  |  課程及講座  | 
搜索

BB 上playgroup

已有 3584 次閱讀 2013-9-4 12:50 |個人分類:playgroup|關鍵詞:playgroup

基本上,Baby 未滿半歳前我已鋪排報左幾間搶手既playgroup。網上曾經瘋傳話BB未出世就已經要報,咁實情又冇貢誇張,因為實情係有時D centre 都未必一定跟條隊俾入你讀,有D又要就BB6個月先可以上,所以結論都係RELAX~~~.

 

首先,又係老問題,一定要上playgroup? 其實最主要睇你自己同阿B有冇需要,通常報playgroup嘅原因都離唔開爸媽在職或獨生仔囡 (冇人陪佢玩,驚佢悶又發展得慢)、比阿BD接觸陌生人 (第時interview會定D,上幼稚園又容易適應D)kill time(反正都要搵節目比阿B)同偷吓師(去取下經點教仔)。好明顯,見到好多人上你又諗下係米應該去上未必係一個實際嘅需要。但大家又可以諗吓,可以陪自己個細上堂嘅機會其實唔多,大部分幼稚園都只係比家長係適應週時陪上一、兩日,有D直情冇得陪上tim.

 

幾大先開始上playgroup? 又係果句,睇需要,亦要先衡量下自己阿B嘅能力先。例如有時爸媽想阿B學社交,識同其他BB玩,但根本實情係一歲以下既B都係唔曉同其他B玩,咁就唔可以expectB早上就早學識lor wor

 

點樣選擇playgroup ?坊間Playgroup 好似好多種類,查實粗分都係得幾type:語言、音樂/舞蹈、體能、學前班。報前應首先考慮BB需要,興趣同能力。其次先考慮口碑同地點。但注意即使口碑好,亦最好自己(唔係揾姐姐或四大長老)同BB一齊先上試堂(團購不時有試堂offer,有D centre本身有免費試堂優惠),睇下BB反應,有時BB貢啱唔夾個老師(未必係老師或本身課堂內容)或個環境,咁就唔好勉强,亦千祈吾好貪優惠而一報十幾二十堂。坊間playgroup 多的是,E間吾啱總有一間啱,無謂要迫BB喊住上堂呢,當然有時BB喊喊下就會適應,但又糸嗰句,上playgroup 本意係要玩mar,何苦要喊唒口呢?另外個原因唔建議一次過報太多堂係因為其實BB係唔同階段會有唔同嘅需要,冇必要比一個長嘅課程cool 住自己。

 

咁點樣為之一個好或有用嘅playgroup 呢?簡單講,做到你要求就good la,譬如你想阿B多接觸英文語境,基本上佢上堂有反應、上得開心就ok ga lar。至於學唔學到野,就要depends on 你自己嘅心態。如果想BB實實際際學識一樣新嘅野 (例如學拍手 ),斷估唔可以剩係靠一星期上一、兩粒鐘堂,爸媽係屋企都要再同BB玩下refresh下先得掛?

 

E加望番轉頭,playgroup 最重要係可以比一個互動環境去啟發BB,最緊要都係遊戲(又即係玩)so far,我家Baby似乎最有印象嘅都係我覺得最好玩嘅一個playgroup,但當時佢上時只得9-12個月咋。

 

跟住我會分享下我上過既playgroup 嘅情況。首先要補充一下,我家Baby 已經33個月大,返playgroup已係前兩年或一年時候上嘅事,或者我提嘅野已經out左,大家當過參考好喇,如有興趣再自己search D update 嘅資料。另外,我個囡係靜態形,正常情況之下會坐定定,亦肯跟老師instructions。如果你果B係超級好動同無時停形,可能會需要第二D既選擇。仲有,我住九龍中,所以上親都喺係油、尖、旺同九龍塘,其他區既playgroup我就比較少留意。


路過

雞蛋

鮮花

握手

雷人

評論 (0 個評論)

facelist

你需要登錄後才可以評論 登錄 | 會員登記

廣告服務|MyBB.com.hk

GMT+8, 2022-1-18 16:15 , Processed in 0.010703 second(s), 12 queries .

Powered by Discuz! X1.5

© 2001-2010 Comsenz Inc.

x