logo
會員電郵 :  密碼 :    會員登記 忘記密碼
主頁  |  每日熱話  |  MB Store  |  家Fun號外  |  專家信箱  |  會員日誌  |  最新活動  |  課程及講座  | 
搜索

【周末攻略】媽媽咪咪嘉年華2015。食買玩攻略

已有 1392 次閱讀 2015-5-9 09:17 |個人分類:BB|關鍵詞:媽媽咪咪嘉年華, bb展, megansoso, 魚子醬,

時間真係貶下眼就過,咁又一年,再次來到媽媽咪咪嘉年華,雖然地點在亞洲博覽館對好多人黎講吸引力麻麻,但魚子醬一家住新界的,就更加welcome welcome XD 去年勁落雨,會場冷清到極點,而且零售booth非常少,以玩同體驗ge比較多,用大型充氣設施撐一撐場,任玩唔嬲~! 今年狀態回勇,多零售之餘,都多左d大型booth,好似魚子醬用緊ge BabyNes奶粉機,就成為左全場最矚目的Booth,不比會展B展弱

不過我地都係鍾意玩同體驗多d XD 仲有得影靚相~yeah~一於趕及在第二天開始前趕個攻略給大家 =P


場內ge大型充氣設施有兩組,分大細B,但其實2歲以上就可以handle晒2邊ge設施,兩歲以下ge就可以主要集中在「小B充氣遊戲區」。最好玩ge係大B ge「開心極速雙滑梯」,起初好多家長都唔放心又或者根本自已想個仔女玩,死都要影幅相「到此一遊」,又抱又推咁上去,小朋友喊曬都照推佢落滑梯,唉~為乜呢~~同時又拖慢上去ge速度塞死晒。最後大會禁止家長上去,自願+玩到ge小朋友先去玩,咁就順暢得多,哥哥姐姐都會幫下小朋友,家長請放心。魚子醬玩左over 10 rounds~! 下晝開始多人~可能要排一排,但都係5分鐘左右,weekend 可能會更多人,建議分頭行事,可能爸爸同小朋友去排玩,媽媽就周圍換禮物/登記workshop先,weekend d籌會好快派晒

係大滑梯旁邊的是「美味Cupcake彈彈床」,出入口只有一個,而空間亦不多,加上無網窗又暗,大家不停跑圈,魚子媽覺得呢個殘得黎又有d危險,寧願玩彈彈農場好過,可以Skip


同樣在大B區的有「親子彩虹滾滾輪」,IDEA係好的,但得個車轆咁闊,唔夠三兩下又反車,應該Double闊度先有滾ge效果吧~~依家好似倉鼠 ^_^;; 不過魚子醬都好enjoy呢個,但就用自已ge方式玩,似曬太陽多過玩緊滾輪,不過眼見都無乜小朋友爬爬爬向前行,可能一行就好易反



在細B區域的,有「彈彈農場」「充氣小樹屋」同「小城堡」,魚子醬的驚人速度已經連哥哥姐姐都阻佢唔到,不停玩完又跑圈跳返入去


看見BabyNes Booth好有親切感,而且每次路過有姐姐sell都可以好型咁話「我地用緊啦」 XD [sorry,笑點太低~haha] 落重本每次做示範比客都係成杯240ml比客人試飲,嘩~零售價計都$2x 杯gaaaa~! BabyNes部機本身定價$2280,但會場限定$1280!! 買Capsules就雙數雙數咁買,[email protected],即係入場費$2400 左右,抵玩啊~  


主辦單位Baby-Mo 的櫃位,我們最關心的不是訂閱又或者「又」入會拎禮物,而係每年暑假舉辦ge 動物農莊~!  魚子醬去年玩得勁盡興~除左有Playright ge自主玩樂區之外,又有馬可以摸摸,有海星、水母、兔仔倉鼠龍貓、然後有得種菇 插秧等等。係呢個嘉年華預訂有8折優惠


我們母子組合有一共 $72,但場刊有Coupon 減$20!!!!!! 所以只係$52 ja~六月中會寄門票去屋企~~~記住要用場刊ge $20 coupon ar!唔止呢度用得ga~仲有其他零售booth都用得~分單買仲抵!呢個Tips 一定要mark低


《媽媽咪咪嘉年華》不側重於任何一個階段客人,無論係孕婦、小B、大B都照顧周到,呢個係魚子媽好欣賞ge地方,哺乳室、換片區集中,沒想到今次只係第一日weekday都幾多人 




場內有四隻「致敏原怪獸」 記住拎住入門口派ge紫色卡卡,蓋滿4個印就可以到雀巢booth換禮物,係minimoto 襪仔,有粉藍同粉紅間條,質地靚靚ga~


 零售的,個人覺得德國balance bike比較新鮮,不過就要[email protected],呢個價錢可能好多人都會揀strider,另外有呢一年先興起的baby-spa,又有每次b展都大受歡迎ge Calibowl [我們家有一堆],魚子媽心水之選仲有LaYan Kids Club的衫仔同頭帶,生女真係會破產~~!!!!


場內有好多唔同ge workshop 早前都有得網上預約,又或者即場登記拎籌又得,小朋友最愛的巧虎又來了,我們沒有訂,因為大家都說台版比較好,不過生活自理呢d,都係實戰好~haha~普通話就~~去多幾次台灣旅行吧~~~~不過呢個挑戰站就有機會比小朋友接觸一下平時隨書附上ge玩具套裝,我地玩ge就係醫生套裝 =] 


起初都似模似樣ga~! 不過之後唔知點解打針又要打落隻眼到,又打落額頭到,唔通巧虎朋友鍾意打BOTOX ??? 哈哈~兩個媽媽自已在笑,小朋友完全沉醉在醫生遊戲之中 





今次嘉年華No.1 必買的~~~~牙刷!!!! 竟然行嘉年華買牙刷~?! 其實當初都係比佢七彩靚靚ge Display 吸引,TePe職員都話佢地ge牙刷同其實口腔用品一般都係批貨比牙醫診所,真係專業級品牌,連顯示牙菌膜個d顯影劑都有得賣呀呢度! 幫小朋友幫自已check住都好嘛


牙刷會場價50%off~! 小朋友牙刷圍起$19,而且0-3 / 3+ 都各有五六款動物/公仔揀,既然係長用ge野,任魚子醬選,最後買左三枝小朋友牙刷;另外大人牙刷仲可以濕暖水後變軟,調較好適合自已的角度;牙縫刷~短柄長柄~由0.4mm----0.8mm都有~如果有睇開牙醫ge就會知道自已ge牙縫size~唔知都唔緊要,一般人前面d牙都around 0.4mm~大牙可能會闊少少,會有專人教你點樣揀牙縫刷,連牙縫ge牙膏都有特別 Gel狀的,真心Pro~全部產品都係瑞典製造 ga~! 


魚子醬猛係度刷人棚牙,刷到想買走咁制 =o= 平時叫你自已刷又唔見你咁落力 


今年場內終於唔係得d $52雲吞麵,$46 Hotdog之類,最開心係有華御結的出現~! 一個三角壽司飯糰$20,但有套餐~$48兩個飯糰加一樽飲品 [綠茶、烏龍茶、水、汽水任揀] 全場最好生意就係佢~又適合小朋友食~


另外仲有Ebeneezer's 同 點一龍,不過就比較冷清了


食飽飽去參加 Baby Towel Candy Workshop,原來非常極之簡單 =P 唔怪得毛巾造型都可以成為一門生意~~~



姐姐先比時間小朋友寫母親節卡,魚子醬繼續發揮佢寫符ge功力,多謝曬



三兩卡手勢,哥哥就教曉左大家點樣整糖果花花,最後仲有2片日本內銷版ge GOON 尿片送~不過只限中碼~~


其中一櫃行得最開心ge 有BabyMart,因為 HappyTimes的星星餅、乳酪餅、蔬菜條,全個架$220 五樣任配!!!! 平時賣緊$75的盒裝乳酪餅 [中間個行個窿] 不停比人勁掃貨~魚子醬都同朋友夾~買左一筒加一盒,真心抵!!! 同時間呢個攤位仲有 $10盒蚊貼,一盒有14張,要用場刊內的coupon~唔好唔見啊~!! 一張coupon 最多買24盒,d人真係上倉咁!勁ar~~~~


家長休息位,除左食野ge短短時間之外,都強烈推介大家一定要登記 「開心BB情迷手作DIY」就在入口右方,坐低就有3件獨立包裝ge Play-Doh 培樂多泥膠,有埋膠模比小朋友玩,家長可以發下白日夢,然後姐姐會送上大禮~~~~~樽蘋果汁有 1L !有得抖。有得飲。有得玩,唔係唔報呀嘛 XD


原本諗住11點玩到3點左右走,結果玩到7點,由無人玩到多人再變返無人,大家weekend要努力作戰啊!


相關文章:

Baby-Mo 探索大自然遊學園x 動物農莊2014 

Baby-Mo 媽媽咪咪嘉年華2014 


考連結

http://carnival.baby-mo.hk/



路過

雞蛋

鮮花

握手

雷人

評論 (0 個評論)

facelist

你需要登錄後才可以評論 登錄 | 會員登記

廣告服務|MyBB.com.hk

GMT+8, 2020-5-25 15:32 , Processed in 0.009343 second(s), 12 queries .

Powered by Discuz! X1.5

© 2001-2010 Comsenz Inc.

x