logo
會員電郵 :  密碼 :    會員登記 忘記密碼
主頁  |  每日熱話  |  MB Store  |  家Fun號外  |  專家信箱  |  會員日誌  |  最新活動  |  課程及講座  | 
搜索

龍哈仔2 歲家庭照之FACE體驗

已有 576 次閱讀 2014-8-9 00:29 |關鍵詞:FACE


龍哈仔最快2歲啦!龍媽媽在龍哈仔1歲多的時候都有帶龍哈仔去影家庭相留念,上一次就去了太古的sens影家庭相,其實龍媽媽一早已經計劃了每一年都會帶龍哈仔去影一次家庭相留念,碰巧早前龍媽媽帶龍哈仔參加Apple Baby星級Happy寶寶封面大招募得到了一張Face的攝影禮卷,所以今年的家庭照就在Face度影啦!

 

 

龍媽媽得到的Face的攝影禮卷可以給1個小朋友+3個家庭成員影,其實原本想叫埋龍哈仔的姑姐同叔叔影的,不過由於每個人要加$300,但相的數量無增加,計起上來加$600唔太化算,龍媽媽情願在另一間公司Join團購仲抵,所以都系決定下年的家庭照先再叫埋他們一齊影,而今次就同龍哈仔麻麻影住先!


其實張禮卷在7月已經到期,但在Book影相的時候,7月已經full曬,而Face就幾好服務可以幫我免費延期一個月影,所以就在星期三一家人去了,雖然張禮卷只限平日5:00前影,但對龍媽媽來說無咩影響,所以亦唔洗加錢在星期六日影!


在背景方面,就包了一個白色背景和一個它選的背景,如果想多影幾個背景就要加錢。由於張禮只系包15張相,之後的每一張相就要加$88,所以龍媽媽知道影多D背景,到時一定會揀多D相,為免超出預算,所以龍媽媽都系無加到!




其實FACE的服務都唔錯,它到無強迫過龍媽媽加錢轉Plan,在成個影相同揀相過程中,都系輕輕介紹過就算,而影之前仲會打2次電話去提你影相。在影相當日攝影師哥哥都好努力去令龍哈仔笑,不過龍哈仔全程都只掛住車車同車車,所以幾乎所有的相都有以上的旅途車出現,幸好拍攝過程都幾順利,不過影到第二個景時,龍哈仔已經無咩耐性,笑到唔笑,第二個景的相一張都揀唔落手,所以龍媽媽一張都無揀到!搞到好似無影過第二個景!而衫方面,龍哈仔就影了3套衫,但因為第二個景無揀過相,所以亦都睇唔到第三套衫!


影完相之後,FACE的姐姐已經約我第二日可以去揀相,效率真夠超高。在揀相當日,由於有了上次的影相經驗,為免龍媽媽同龍爸爸在揀相時有意見分歧,所以龍媽媽都系決定獨自去揀相,而在揀相時,有4-5張相系加了特效的,不過就唔包在package中,要以$88購買。攝影師哥哥幫我們影了百幾張相,由於龍媽媽今次的目標好明確,就系只可以加2-3張相,加上第二個景的相影得唔好(唔關攝影師哥哥事,系龍哈仔唔合作),所以揀相的過程亦好順利,而龍媽媽今次就主要選家庭相為主,龍哈仔的單人照就只選了以上3張。最後龍媽媽選了15張無特效的相,另外加了$176買了2張特效相,當然其實龍媽媽唔給錢加相,相信FACE方面,亦都無問題,因為在揀相的過程中,FACE姐姐都無點hardsell,不過龍媽媽覺得張禮卷已經系免費啦,而且$88蚊一張都可以接受,加2張就當平平地買過團購玩下,而FACE的姐姐就有所交待,而且d相亦影得唔錯!加2張當支持下攝影師哥哥,始終影小朋友相唔容易!





右手邊系上次同龍哈仔影的相,左手邊就系今次影的相,好明顯龍哈仔太過了好多,每次睇返呢d相都有唔同的感受。小朋友真系大得好快,所以龍媽媽更加想每一年去影一次家庭相,將每一年的龍哈仔的模樣留住,等龍媽媽同龍爸爸老的時候回味!


總括來說,今次在FACE的體驗都唔錯,其實龍媽媽見它每年都會有團購,太約2、3百蚊就可以影到一 SET 家庭相,而且它影出呢的相亦都好自然,好生動,所以下年如果買到它的團購的話,希望可以再去影過!


路過

雞蛋

鮮花

握手

雷人

評論 (0 個評論)

facelist

你需要登錄後才可以評論 登錄 | 會員登記

廣告服務|MyBB.com.hk

GMT+8, 2020-11-26 06:16 , Processed in 0.010833 second(s), 12 queries .

Powered by Discuz! X1.5

© 2001-2010 Comsenz Inc.

x